نه زار له بي رو نا چد

 

بقلم : نظيرة اسماعيل كريم

17/ 5 / 2009

 

داڵـگ و باوگد ديـۆر كردن
وه زور تفنگ سه وق كردن
ئه را مـڵـك غه ريوى
بي تو عه زيزم بردن

وه تو  له يره  ته ك  ته نيا
برياييد له  گشـــت  دونيا
ئه سير وه زنداني بيـۆد
هه رجى زولم بيو له د كريا

ساڵ هاى ساڵ  چه وه  رێ
ناڵه ى داڵگد  له و  ديـۆرى
سه نگ  كيـۆه سان  ئه تا وان
له  بر كوج  وه دڵگیری

دايه د  له  بيره و  نا برد
درد  و غه م   نگاه د
وه قتى  دزخيم  به عثى
خوه شى  ژيانى  ئه سير  برد

كورم ، كورم شاد  زووانم
گول گول خانه  بوسانم
روژی  تو  له  دسم  چيـۆد
ئاگر كه فته گيانم

نه زار .. نه زار ئيقره وه ت
تا خوه ى دڵگیر له قور خه فت
بـڵام هيجكه س  نازانى
نه زار عه زيز  وه  كو  كه فت

هزاران  له  فه ن  نه زار  بيـۆن
گناهيان كورد  فه يلى يـۆن
نه كه سـێ  ناويان  ئه برد
ونه  ئيـۆژن  وكو  جيـۆن

نه ناو دێرن نه  نيشان
نه قورى له  قورسان
ته نيا  له  دڵ  يه كا  يه ك
كورد فه يلى هه سه يان

تاروژ هه س  وه  روزگاران
قه سه م   خوه يمن  وگياندان
حه ق  خيـۆندان  بسينيم
يارو چه  كه يد  له  سه لمان
يارو  رزيا  له  بيابان

* سلمان : المقصود قلعة السلمان

 


Back